Operacion i MPB-së dhe FBI-së: Shkatërrohet tregu ilegal online për shitjen e të dhënave të vjedhura, kallëzim penal ndaj një 20-vjeçari nga Tetova
Si rezultat i një hetimi të koordinuar midis Ministrisë së Punëve të Brendshme dhe Byrosë Federale të Hetimit (FBI), u zbulua administratori i tregut ilegal online "OLVX", përmes të cilit ofroheshin të dhëna personale të vjedhura, kredenciale hyrjeje dhe mjete për kryerjen e krimit kompjuterik.
Sektori për krim kompjuterik dhe forenzikë digjitale pranë MPB-së ka ngritur kallëzim penal ndaj E.A. (20) nga Golema Reçica, Tetovë, për shkak të ekzistencës së bazave të dyshimit për kryerjen e veprave penale "mashtrim kompjuterik", "keqpërdorim i të dhënave personale" dhe "prodhim dhe shpërndarje e pornografisë me fëmijë".
MPB njofton se operacioni është rezultat i informacioneve fillestare të marra nga FBI, pas të cilave u zhvillua një hetim i përbashkët dhe i koordinuar i fokusuar në zbulimin dhe parandalimin e aktiviteteve kriminale të lidhura me tregun ilegal online "OLVX".
Sipas provave të siguruara, i kallëzuari në periudhën nga 2023 deri në 2025 ka qenë administrator i domain-eve dhe faqeve të internetit të lidhura me platformën "OLVX", e cila shërbente si treg ilegal për shitjen e të dhënave digjitale të vjedhura, mjeteve softuerike dhe shërbimeve të dedikuara për kryerjen e veprave penale.
Përdoruesit kryesorë të platformës ishin kriminelë kibernetikë që blinin dhe shisnin të dhëna personale dhe kredenciale hyrjeje për llogaritë e përdoruesve dhe rrjetet kompjuterike të viktimave. Gjatë periudhës së funksionimit të platformës u ofruan mbi 1.500 kredenciale hyrjeje të vjedhura.
Hetimi gjithashtu konfirmoi se në periudhën nga 2025 deri në 2026 i kallëzuari administronte edhe një grup ilegal online me emrin "ONEMILI" në aplikacionin komunikues "Telegram". Përmes këtij grupi ofroheshin shërbime dhe mjete softuerike për kryerjen e krimit kompjuterik, përfshirë mashtrimet e lidhura me rikthimin e paligjshëm të fondeve monetare.
Shtesë, janë siguruar prova se i kallëzuari përmes aplikacionit "Telegram" blinte dhe posedonte për vete materiale me abuzim seksual të fëmijëve.
"Ky operacion përfaqëson operacionin e parë të përbashkët të koordinuar kibernetik midis MPB-së dhe FBI-së, duke konfirmuar rëndësinë e bashkëpunimit ndërkombëtar policor në zbulimin dhe parandalimin e formave moderne të krimit të organizuar kompjuterik", njofton Ministria e Punëve të Brendshme.
Lajme të ngjashme
Kryetarja Gordana Siljanovska-Davkova sot pati një takim me Michael Berenbaum, profesor i shquar i studimeve hebraike dhe ekspert për Holokaustin, i cili në mars të këtij viti e shoqëroi gjatë vizitës në Kompleksin Memorial "Treblinka" në Poloni. Në takim morën pjesë Goran Sadikario, drejtor i Fondit të Holokaustit të…
18:01
Moti nesër do të jetë me diell me vranësira të vogla deri mesatare. Do të fryjë erë mesatare deri e fuqishme nga drejtimi veriperëndimor, e cila përgjatë Povaradarisë do të tejkalojë shpejtësinë prej 60 kilometrash në orë, njofton UHMK. Temperatura minimale do të jetë në intervalin nga 0 deri në 9, ndërsa ajo…
17:59
Kryetari i Shtabit të Përgjithshëm të Ushtrisë, gjeneral-major Sashko Lafçiski, me ftesë të komandantit të Komandës së Përbashkët të forcave aleate të NATO-s në Napoli (JFCNP), admiral George M. Wikoff, sot mori pjesë në ceremoninë solemne për dorëzimin e detyrës komandant të misionit „KFOR“, e cila u mbajt në…
17:13