Siljanovska-Davkova: E vërteta historike për hebrenjtë maqedonas duhet të ruhet
Kryetarja Gordana Siljanovska-Davkova sot pati një takim me Michael Berenbaum, profesor i shquar i studimeve hebraike dhe ekspert për Holokaustin, i cili në mars të këtij viti e shoqëroi gjatë vizitës në Kompleksin Memorial "Treblinka" në Poloni.
Në takim morën pjesë Goran Sadikario, drejtor i Fondit të Holokaustit të Hebrenjve nga Maqedonia, Ljiljana Mizrahi dhe Todor Çepreganov.
Siljanovska-Davkova theksoi rrezikun nga revizionizmi historik, minimizimi dhe mohimi i Holokaustit dhe antisemitizmi.
Sipas saj, Treblinka ku u vranë 7.144 hebrenj maqedonas, pra 98 për qind e komunitetit hebre maqedonas, është një përvojë thellësisht tronditëse, por edhe një monument që dëshmon për faktet historike, si dhe një arsye për t'u bërë një traditë përkujtimore.
Kryetarja i falënderoi Berenbaum për angazhimin ekspert dhe njerëzor në mbrojtjen e së vërtetës historike për Holokaustin mbi hebrenjtë maqedonas, veçanërisht për përpjekjen e argumentuar për të ruajtur mbishkrimin autentik në pllakën përkujtimore në Treblinka, kundër përpjekjeve për ndryshimin e tij.
Sipas profesorin, praninë e kryetares, deputetëve dhe përfaqësuesve të komunitetit hebre maqedonas në përkujtimin e 11 marsit – Ditës së deportimit të hebrenjve maqedonas në Treblinka, është jashtëzakonisht e rëndësishme.
Berenbaum kujtoi se me shkruarjen e emrave të hebrenjve maqedonas në murin e Kompleksit Memorial, çdo viktimë do të marrë një përkujtim të përhershëm dhe mbrojtje të merituar nga harresa.
Ai theksoi rëndësinë e dokumentimit të historisë dhe edukimit të brezave të rinj për Holokaustin në të gjitha nivelet e procesit arsimor, si dhe organizimin e vizitave studentore në Kompleksin Memorial në Treblinka.
Drejtori i Qendrës Memoriale të Holokaustit të Hebrenjve nga Maqedonia informoi për aktivitetet aktuale, përfshirë iniciativën për themelimin e një institucioni edukativ brenda saj, si dhe për ekspozitën e nesërme të dedikuar partizanëve hebrenj në Shkup.
