Shiu ka përfshirë Maqedoninë, më shumë ka rënë në Strumicë
Temperatura më e ulët e mëngjesit prej zero gradësh është matur në Popova Shapka, ndërsa më shumë shi në 24 orët e fundit ka rënë në Strumicë, ku janë matur 25 litra për metër katror, tregojnë të dhënat nga stacionet meteorologjike.
Temperatura prej dy gradësh është matur në Mavrovi Anovi, katër gradë në Krushevë dhe Lazaropole, dhe gjashtë gradë në Pretor dhe Kumanovë.
Në Prilep janë matur gjashtë gradë, ndërsa shtatë gradë ka pasur në Tetovë, Berovë, Kriva Pallankë, Shtip, Shkup – Zajçev Rid, Ohër, Vinicë, Bitolj dhe Veles. Më ngrohtë mëngjesin e sotëm ka qenë në Gevgelinë, me temperaturë të matur 10 gradë.
Sipas sasisë së matur të reshjeve, pas Strumicës vijnë Vinica me 24 litra për metër katror, Demir Kapija me 20, Shtip dhe Kriva Pallankë me nga 19, si dhe Gevgelia me 18 litra për metër katror.
Në Kavadarci kanë rënë 16 litra për metër katror, në Pretor 15, në Bitolj dhe Krushevë nga 13, ndërsa në Veles 11 litra për metër katror.
Moti sot do të jetë kryesisht i vrenjtur, me reshje të herëpashershme shiu, të cilat lokalisht do të jenë më të bollshme dhe do të kalojnë 25 litra për metër katror.
Do të fryjë erë e lehtë deri mesatare nga drejtimi verilindor, ndërsa temperatura maksimale do të lëvizë nga 11 deri në 15 gradë.
Në Shkup do të jetë kryesisht i vrenjtur me shi të herëpashershëm, veçanërisht në orët e pasdites dhe gjatë natës. Do të fryjë erë e lehtë nga drejtimi verior, ndërsa temperatura maksimale do të arrijë deri në 14 gradë.
