Vërehet mungesë prej gati tetë ton lule të thatë nga kanabisi mjekësor gjatë kontrollit në një kompani për kultivimin e kanabisit mjekësor në Strumicë

SPB Strumicë ka ngritur padi penale kundër një personi juridik nga fshati Borisovo, komuna Novo Selo dhe kundër V.K. nga fshati Novo Selo, me banim në Strumicë, menaxher i personit juridik të raportuar për kryerjen e veprave penale sipas nenit 95-v paragrafi 1, respektivisht neni 95-v paragrafi 2 të Ligjit për kontrollin e drogërave narkotike dhe substancave psikotropike, njoftoi MPB-ja.

Gjatë një kontrolli të kryer në ambientet e personit juridik ku ishte ruajtur lule e thatë nga kanabisi mjekësor, punonjës policorë nga SPB Strumicë dhe zyrtarë nga komisioni kompetent pranë Ministrisë së Shëndetësisë kanë konstatuar mungesë të dokumentacionit lidhur me personelin e angazhuar, mungesë të dokumentacionit tjetër të detyrueshëm, si dhe mungesë prej 7813.49 kilogramë lule të thatë nga kanabisi mjekësor, për të cilën sasi personi juridik i raportuar nuk dispononte me dokumentacion dhe mbulim të duhur, njoftoi MPB-ja.