Në Selanik janë sekuestruar 22.834 lodra të falsifikuara, gjobë prej 100.000 euro për kompaninë

Policia greke ka arrestuar një shtetas të huaj 43-vjeçar, i cili ishte përgjegjës përkohësisht për punën e një dyqani në pjesën perëndimore të Selanikut, pasi inspektorët zbuluan në një magazinë 22.834 lodra me shenja mbrojtëse të falsifikuara.

Operacioni u krye nga Njësia Ndërsektoriale për Kontrollin e Tregut (DIMEA), në bashkëpunim me ekipin KOE-METEL nga Selaniku, raporton "Katimerini".

Sipas njoftimit të policisë greke, produktet e sekuestruara kishin kopje ose imitime mashtruese të shenjave të mbrojtura të regjistruara të kompanive të huaja.

Të gjitha lodrat u sekuestruan dhe u shkatërruan, ndërsa kompanisë i është shqiptuar një gjobë administrative prej 100.000 eurosh.

Kundër 43-vjeçarit është ngritur procedurë për falsifikim, pranimin dhe shpërndarjen e produkteve të fituara në mënyrë kriminale, si dhe për shkelje të legjislacionit mbi shenjat mbrojtëse.

Pritet që i dyshuari të paraqitet para prokurorit kompetent.