Operacion policor në të gjithë vendin: 16 persona arrestuar, sekuestruar drogë, armë dhe municion

Operacionin e realizoi Departamenti i Policisë Kriminale, në koordinim me të gjitha sektorët e punëve të brendshme dhe Njësinë e qenve shërbëtorë, me qëllim zbulimin dhe goditjen e krimit, me theks të veçantë në tregtinë e paligjshme të drogës dhe posedimin ilegal të armëve.

Brenda operacionit u kryen gjithsej 47 bastisje në shtëpi dhe hapësira të tjera ndihmëse në disa lokacione nëpër vend.

Gjatë bastisjeve u gjet dhe u sekuestrua një sasi e madhe marihuanë, disa pako kokainë, si dhe pako më të vogla me kokainë të përgatitura për shitje të mëtejshme.

Policia sekuestruar edhe armë zjarri, konkretisht pistoleta dhe pushkë, municion të ndryshëm, para dhe sende të tjera për të cilat ekziston dyshimi se rrjedhin nga vepra penale.

Lidhur me rastet, janë ngritur 11 padi penale për veprat penale "prodhim dhe futje në qarkullim pa leje të drogërave narkotike, substancave psikotrope dhe prekursorëve" sipas nenit 215 dhe "prodhim, mbajtje dhe tregti e paautorizuar me armë ose lëndë shpërthyese" sipas nenit 396 të Kodit Penal.