(Video) Manasievski: Gënjeshtari patologjik Filipçe sot gënjen për makinën e tij, nesër do t'i gënjejë qytetarët për veprime më serioze
Gënjeshtari patologjik Filipçe sot gënjen për makinën e tij, nesër do t'i gënjejë qytetarët për veprime më serioze. Filipçe gënjeu se posedon një makinë prej 6.000 eurosh, ose pranoi drejtpërdrejt se posedon edhe një automjet tjetër motorik, por që nuk është deklaruar në listën anketuese, theksoi në konferencën për shtyp Valentin Manasievski, zëdhënës i VMRO-DPMNE-së.
Për këtë veprim, siç tha, pret hetim nga institucionet kompetente.
„Venko Filipçe është një gënjeshtar patologjik dhe gënjen edhe për gjërat më të vogla. Ai gënjen qytetarët sot në opozitë, ashtu siç i gënjente kur ishte në pushtet.
Filipçe është një njeri që nuk mund t’i besohet. Ai është i njëjti që me vetëdije krijonte histeri dhe panik për ujin në Gostivar dhe në Shkup, gënjente se çdo moment do të falimentojmë, gënjente se ai do të ndërtonte Qendrën Klinike, gënjente se do të merrnim datën për BE-në dhe poze me të, dhe çfarë tjetër nuk gënjeu.
Filipçe vepron mbi bazën se nëse përsërit një gënjeshtër njëqind herë, ajo magjikisht do të bëhet e vërtetë.
Prandaj edhe brenda radhëve të tij nuk i besojnë. Por as qytetarët nuk i besojnë“, tha Manasievski.
