Zajkova dhe LDP: Qytetarët e Serbisë treguan se nuk ka fuqi më të madhe se vendosmëria demokratike
Partia Liberal-Demokratike (LDP) përshëndet "fitoren historike të demokracisë dhe vullnetit të popullit serb, i cili me energji të pakapërcyeshme, vendosmëri dhe masivitet rrëzoi matricën autokratike shumëvjeçare. Studentët, të rinjtë dhe të gjithë qytetarët e vendit tonë fqinj verior dëshmuan se ata janë sovrani i vetëm i vërtetë dhe se asnjë pushtet nuk është më i fuqishëm se dëshira për liri, drejtësi dhe shtet ligjor".
Kjo kthesë demokratike është një shuplakë direkte për të gjitha sistemet autokratike që funksionojnë përmes kontrollit masiv të mediave, keqpërdorimit të burimeve buxhetore për qëllime partiake, partizimit të plotë të institucioneve dhe manipulimit të procesit zgjedhor. Serbia sot tregoi se kapaciteti i saj demokratik është thellësisht i rrënjosur në thelbin e popullit dhe se çdo makineri inxhinierike zgjedhore bie para zemërimit dhe vullnetit të qytetarëve, njoftoi LDP.
"Studentët dhe qytetarët e Serbisë treguan se me energji dhe vendosmëri mund të jenë ata që do të vendosin për të ardhmen e popullit të tyre – jashtë të gjitha manipulimeve, jashtë keqpërdorimit të mediave, jashtë përdorimit të buxhetit në shërbim të një partie dhe jashtë matricave të vendosura autokratike! Serbia tregoi se vetëm populli është sovran. Për LDP-në, duhet të ketë ndëshkim për korrupsionin, drejtësi duhet të ketë në mënyrë të barabartë për të gjithë, dhe për unitetin dhe rrugën evropiane nuk ka alternativë. Kjo është një dëshmi për të gjithë rajonin se vetëm demokracia, transparenca dhe vendosmëria e qytetarëve fitojnë", deklaroi Monika Zajkova, kryetare e LDP-së dhe deputete në Kuvendin maqedonas.
LDP shpreh shpresën se me këtë akt demokratik, "Serbia më në fund po kthehet në rrugën e duhur evropiane. Kjo fitore është një sinjal i qartë dhe paralajmërim për të gjithë politikanët rajonalë që mendojnë se me kontroll, monopol dhe shpenzim të parave të popullit mund të mbajnë përgjithmonë popullin e tyre peng".
Koha e autokratëve dhe monopolëve partiakë po mbaron. Demokracia, drejtësia dhe e ardhmja evropiane e Ballkanit nuk kanë alternativë!, shtojnë nga LDP-ja
