Iraola: Duhet të simulosh, përndryshe nuk ka penallti

Liverpooli humbi nga Arsenali me 0:1 në "Anfield" të dielën, dhe pas ndeshjes më së shumti nga ekipi vendas komentuan për penalltinë që nuk u dha. Në pjesën e parë, Jurien Timber tërhoqi Aleksandar Isakun për fanellë brenda zonës së rreptësisë ndërsa sulmuesi suedez po lëvizte drejt topit, por Isaku nuk ra, as gjyqtari dhe as VAR-i nuk reaguan.

Trajneri i Liverpoolit, Andoni Iraola, nuk e fshehu zemërimin pas ndeshjes. "Ishte tërheqje e qartë për fanellë. Duhet të simuloni. Nëse nuk simuloni, penallti nuk jepen", tha Iraola. Kur u pyet nëse tani do t’i thotë Isakut të bjerë në situata të tilla, ai u përgjigj: "Po, padyshim".

Iraola shkoi një hap më tej. "Duhet t’u themi: Bini, sepse përndryshe nuk do ta gjykojnë asgjë", tha trajneri spanjoll, i cili beson se penalltia nuk u dha ndoshta sepse Isaku mbeti në këmbë dhe u përpoq të vazhdonte aksionin drejt golit.

Kapiteni Virgil van Dajk gjithashtu ishte i zemëruar. "Mendoj se ishte penallti e pastër. Pse ai duhet të ankohen kur ka kaq shumë kamera?", tha mbrojtësi holandez, duke aluduar në rreth 50 kamerat që ka në dispozicion sistemi VAR.

Sipas informacioneve nga Stokli Park, ku ndodhet qendra VAR e Premier Ligës, gjyqtarët vlerësuan se kontakti i Timber nuk ishte i mjaftueshëm për të rrëzuar Isakun.

Foto/ depositphotos