Paniku te Bayern, Olise ka vendosur kusht për të vazhduar kontratën

Gjiganti gjerman Bayern përballet me shqetësime serioze të brendshme para vazhdimit të sezonit, pasi negociatat për kontratën e re të njërit prej lojtarëve më të mirë të skuadrës, Michael Olise, nuk po shkojnë sipas planit të gjigantit bavarez, raportuan Bild dhe portali Bayern Strikes.

Edhe pse ylli francez ka një kontratë të vlefshme me klubin deri në vitin 2029, paraqitjet e shkëlqyera dhe fillimi mbresëlënës i sezonit (tetë gola dhe katër asistime në shtatë ndeshjet e para për Bayern), së bashku me paraqitjet e shquara për përfaqësuesen franceze, kanë tërhequr vëmendjen e gjigantëve evropianë, të udhëhequr nga Real Madrid.

Sipas burimeve pranë klubit, drejtuesit e Bayern dëshirojnë të sigurojnë më tej Olisen dhe të nënshkruajnë një kontratë të re afatgjatë me të.

Sidoqoftë, negociatat janë bllokuar për shkak të kërkesës së lojtarit dhe agjentit të tij për të përfshirë një klauzolë fikse të blerjes në kontratë.

Në drejtimin e klubit nga Mynihu ekziston shqetësim pasi prania e një klauzole blerjeje i lehtëson punën klubeve si Real, duke pasur parasysh se negociatat për shumën vetë janë jashtëzakonisht të vështira.

Në të kaluarën, kemi parë klube si Real Madrid dhe Barcelona të vendosin klauzola të paarritshme blerjeje prej miliarda eurosh në kontratat e yjeve të tyre, çka padyshim do ta dëshironte edhe Bayern, ndërsa vetë lojtari do të preferonte një shumë më të vogël, më së shumti rreth 200 milionë euro, për ta bërë transferimin potencial të realizueshëm. Bavarezët nuk duan të bien dakord me këtë kusht.

Gjiganti gjerman ka marrë një qëndrim të qartë dhe ka thënë se Olise do të ketë kohë deri në fund të verës së ardhshme për të reflektuar dhe për të pranuar kushtet për vazhdimin e bashkëpunimit.

Sidoqoftë, në klub ekziston një frikë (e justifikuar) se francezi nuk ka plane afatgjata në Mynih dhe se prioriteti i tij është të transferohet në një klub tjetër të madh.

Foto/ Depositphotos