(Video) Lëndim i rëndë në basketboll për Oklahoma Thunder

Lojtari i Oklahoma City Thunder, Jalen Williams, pësoi një lëndim serioz në pjesën e poshtme të këmbës së majtë në fund të ndeshjes kundër Los Angeles Clippers, pas së cilës u dërgua jashtë fushës me barelë.

Ngjarja ndodhi 74 sekonda para përfundimit të ndeshjes, kur Williams sulmoi koshin. Personeli mjekësor menjëherë iu afrua për ndihmë.

Kyçi i lënduar u mbulua me peshqirë ndërsa lojtarët e të dy ekipeve shikonin me habi atë që po ndodhte.

Megjithë skenat tronditëse, Oklahoma City arriti të përfundonte ndeshjen dhe të fitonte ndaj Clippers me rezultatin 108:101.

Pas ndeshjes, MVP i Thunder, Shai Gilgeous-Alexander, pati vështirësi të gjente fjalët e duhura për lëndimin e shokut të tij të skuadrës.

"Më vjen shumë keq për të. Asgjë më shumë se kaq", tha Gilgeous-Alexander në një intervistë televizive, duke u munduar të mbante lotët.

Derisa nuk ka ende një diagnozë zyrtare për lëndimin, serioziteti i situatës ishte i dukshëm në momentet e para pas rënies, duke marrë parasysh se menjëherë u kërkua një barelë.