(Video) Vinisius përballet me pezullim të ashpër për kartonin e kuq

Sulmuesi i Real Madridit, Vinisius Zhuniior, përballet me një dënim shumë më të ashpër për kartonin e kuq që mori kundër Villarrealit, sesa ai që parashikohet sipas rregullave të La Ligës.

Në fakt, braziliani u shfaq jashtëzakonisht i pa-sportshëm edhe pasi la fushën, pak para se të hynte në tunelin drejt dhomës së zhveshjes.

I dukshëm i zemëruar, ai sulmoi edhe një përfaqësues të La Ligës, pothuajse e goditi, kështu që për këtë veprim, i cili me shumë gjasa është regjistruar në procesverbalin e delegatëve, ai do të ndëshkohet.

Braziliani sigurisht që përballet me pezullim të paktën për një ndeshje për shkak të kartonit të kuq, por tani është e qartë se mund të dënohet edhe më tej pasi sulmoi një zyrtar.

Vinisius nuk do të mund të justifikohet se nuk e tërhoqi kundërshtarin për flokë, siç u përpoq të bindë gjyqtarin kryesor. Ashtu si në atë rast, kamerat kanë regjistruar gjithçka, prandaj braziliani problematik mund vetëm ta pranojë situatën dhe të presë që t’i caktohet pezullimi.

Nëse pezullohet për një ndeshje, ai do të humbasë ndeshjen kundër Sevillës, ndërsa në rast se pezullohet për dy ose tri ndeshje, që është një skenar realist, ai nuk do të jetë as në përbërjen për "El Clasico" kundër Barcelonës.

Murinjo padyshim ka problem, dhe nuk janë vetëm paraqitjet jo bindëse të skuadrës së tij, por edhe sjellja e njërit prej lojtarëve më të mirë në ekip.

Foto/ Depositphotos