Jennifer Lawrence për ndërhyrjet estetike: „Dua të jem një nënë seksi“
Edhe pse më parë ka deklaruar disa herë se nuk ka ndërmend të nënshtrohet ndërhyrjeve estetike, aktorja Jennifer Lawrence tani dëshiron të bëjë korrigjime në disa pjesë të trupit të saj.
Jennifer Lawrence është ylli në faqen kryesore të revistës The Cut. Në intervistën për këtë botim, aktorja foli për tema të ndryshme, përfshirë edhe bukurinë fizike.
Edhe pse më parë pretendonte se nuk dëshiron të "futet nën thikë", duket se ndërkohë ka ndryshuar mendim; ajo zbuloi se tashmë ka bërë një ndërhyrje për ngritjen e gjoksit pas lindjes së fëmijës së saj të dytë. Shtoi gjithashtu se planifikon të bëjë një tërheqje fytyre.
"Dua të jem një nënë seksi. Kur i lë fëmijët në kopësht, dua të dukem si një grua që e ka gjithçka nën kontroll – edhe kur sapo jam zgjuar, ndërkohë që në të vërtetë mbretëron kaosi total", deklaroi aktorja, e cila ka dy djem me bashkëshortin e saj, Cooke Maroney.
Ndërhyrje e re
Përveç ndërhyrjeve estetike, Lawrence foli edhe për markën e saj të kujdesit për flokët, Mes. Ajo iu referua spekulimeve se e ka themeluar kompaninë për të siguruar të ardhmen financiare.
"Mënyra e zgjuar për të siguruar të ardhmen time do të ishte të pranoja një rol në ndonjë franxhizë të madhe filmike. Të themelosh një kompani vetëm për t'u pasuruar është si të hidhesha nga një anije turistike, duke shpresuar të përfundoj në një derë druri", u shpreh aktorja me shaka.
