Motra e Matthew Perry zbuloi pse filloi të qeshë në varrimin e tij

Mia Perry Bouvik, motra më e vogël e aktorit Matthew Perry, zbuloi detaje emocionale nga varrimi i tij dhe shpjegoi pse në një moment nuk mund të ndalonte së qeshuri, transmeton „LADbible“.

Aktori, më i njohur për rolin e Chandler Bing në serialin „Friends“, vdiq në tetor 2023, në moshën 54-vjeçare, nga efektet akute të ketaminës.

Mia tregoi se gjatë varrimit ndjeu sikur vëllai i saj ishte pranë saj dhe imagjinoi se si do ta komentonte situatën.

„Si të shfaqej pas shpatullës sime të djathtë dhe të thoshte: ‘Sa e kotë është kjo?’ Fillova të qesh shumë. Mendova: ‘O Zot, ja ku është!’ Më bëri të qesh në momentin më të keq të mundshëm, kur ishte krejtësisht e papërshtatshme të qeshja. Por thjesht nuk mund të ndaloja“, rrëfeu ajo.

Ajo kujtoi edhe skenën prekëse kur kolegët e tij nga „Friends“ i thanë lamtumirë aktorit.

„Jennifer Aniston ishte e para që më afrohej dhe më përqafoi fort. Por të gjithë e bënë këtë“, tha Mia, duke shtuar se Aniston, Courteney Cox, Lisa Kudrow, Matt LeBlanc dhe David Schwimmer iu afruan së bashku arkivolit, duke u mbajtur për dore dhe duke qarë.

„Matthew kishte një zemër të mrekullueshme dhe ishte bujar. Edhe në momentet më të errëta dinte t’ju bënte të qeshni dhe t’ju bënte të ndiheshit të dashur“, deklaroi motra e tij.

Dëshmitë e saj janë pjesë e serisë dokumentare me tre pjesë „The One About Matthew Perry“, e cila pritet të dalë në Netflix më 27 tetor.