Nga 5 nëntori do të kryhet pagesa e mjeteve për qytetarët pa karta pagese në filialin kryesor në Bitola të "ALTA banka" AD Bitola, njoftoi BNRM
Banka Popullore i njofton qytetarët që kanë llogari pagese në "ALTA banka" AD Bitola, por nuk kanë karta pagese, se nga e enjtja, më 5 nëntor 2026, do të fillojë tërheqja e mjeteve nga sportelet në filialin kryesor të bankës në Bitola.
Për këtë qëllim, do të hapen disa sportele në adresën rruga "Dobrivoje Radosavljeviq" nr. 21 në Bitola. Pagesa do të jetë në dispozicion për qytetarët, veçanërisht për pensionistët dhe përfituesit e ndihmës sociale, të cilët marrin mjetet përmes llogarive pagese në bankë, por nuk kanë karta pagese, njoftoi BNRM.
Qytetarët do të mund të tërheqin deri në 20.000 denarë, që është shuma maksimale e lejuar për tërheqje në një periudhë prej dy javësh.
"Nga 6 nëntori, përfshirë edhe të shtunën më 7 nëntor, filialit do të punojë në dy turne, me qëllim që të shërbehen sa më shumë klientë.
Pagesa do të kryhet gjatë disa ditëve sipas orarit, për të cilin qytetarët do të njoftohen përmes mesazhit SMS, duke u treguar dita dhe ora kur duhet të vijnë në filial. I lutim qytetarët të respektojnë termin e caktuar dhe të mos vijnë në filial në ditët kur nuk janë thirrur dhe para kohës së caktuar për ditën përkatëse, për të shmangur grumbullimet dhe pritjet e gjata.
Për ata që nuk do të jenë në gjendje të vijnë në termin e caktuar, do të sigurohen termine shtesë.
Sportelet do të jenë të dedikuara vetëm për tërheqjen e parasë në dorë, pa kryer lloje të tjera transaksionesh.
Po punohet për përgatitjen e hapjes së sporteleve për pensionistët dhe përfituesit e ndihmës sociale edhe në qytete të tjera të vendit, për të cilën Banka Popullore së shpejti do të njoftojë", njoftuan nga BNRM.
