(Video) Zajkova: Nëse ligji nuk respektohet, drejtësinë do ta kërkojmë përmes gjykatës!
„Ka kohë për konferenca për shtyp, përplasje politike ditore dhe vetëlavdërime, por nuk ka kohë për të respektuar detyrimin ligjor ndaj studentëve! Për këtë arsye, Partia Liberal-Demokrate (PLD) ka ngritur padi në Gjykatën Administrative kundër Ministrisë së Arsimit dhe Shkencës për mosmiratimin e aktit administrativ për përshtatjen e subvencionit të ushqimit studentor për vitin 2026. Faktet janë dërrmuese“, thonë nga PLD.
„Në vitin 2023 inflacioni ishte 9.4%, në vitin 2024 3.5%, dhe në vitin 2025 4.1%. Por, pavarësisht detyrimit ligjor për përshtatje, studentët vazhdojnë të marrin vetëm 140 denarë. Me përshtatjen e llogaritur, ushqimi studentor në vitin 2026 duhej të ishte rreth 17% më i lartë.
Dallimi ndoshta për ndonjë funksionar të ulur në ndonjë kolltuk në institucionet që as nuk i njohim se ekzistojnë i duket i parëndësishëm, por për një student që përballet çdo ditë me rritje të ashpra të çmimeve, çdo denar ka rëndësi më të madhe.
PLD nuk do të lejojë që ligjet të zbatohen selektivisht – rreptësisht për qytetarët, dhe sipas dëshirës së institucioneve kur bëhet fjalë për detyrimet e tyre“, theksojnë nga PLD.
„Për shkak se ju nuk e zbatoni ligjin, ne do ta kërkojmë drejtësinë. Fillojmë me padi në Gjykatën Administrative për nisjen e një kontesti administrativ për mosrespektim të ligjit, pas së cilës do të vijë një Iniciativë për vlerësimin e ligjshmërisë së pagesës së ushqimit studentor. Këtu janë arsyet e padisë që do të dorëzohen, sepse studentët do të marrin atë që u takon sipas nenit dy të ligjit. Nëse ka para për Fetain dhe gjëra të ndryshme të kota, do të ketë para edhe për studentët. Dhe ligji duhet të zbatohet!“, deklaroi kryetarja e PLD-së dhe deputetja në Kuvend, Monika Zajkova.
„Nga PLD theksojnë se me padinë kërkojnë që Ministria të detyrohet të miratojë akt administrativ me të cilin do të përcaktohet ligjërisht shuma e përshtatur e ushqimit studentor.
Studentët nuk janë të detyruar të paguajnë çmimin e papërgjegjshmërisë institucionale!“, shtohet në njoftimin e PLD-së.
