(Video) A transferohen mbi 50 milionë euro përmes “Alta Bankës” në Maqedoni, pse heshtin Mickoski dhe Slaveski, pyet Zhernovski
Dëshirojmë të bëjmë një përmbledhje të asaj që ka ndodhur gjatë pesë ditëve të fundit, lidhur me ngjarjet te fqinjët tanë veriorë, dhe sot dëshirojmë të flasim dhe të parashtrojmë pyetjet për të cilat kryeministri ynë Mickoski vazhdimisht shmang t’i japë përgjigje. Dëshmojmë për një heshtje të madhe nga ana e kryeministrit, theksoi në konferencën për shtyp Andrej Zhernovski nga LSDM.
Dëshmojmë, tha ai, për heshtje, për gjithçka që po ndodh pas rënies së mentorit të tij Vuçiç.
"Dëshmojmë për një situatë që mundëm ta shihnim edhe dje në një debat, ose më saktë nuk ishte debat, por një paraqitje në televizion, shoh një politikan të frikësuar që flet për gjithçka, por nuk flet për atë që të gjithë pyesin.
Nuk flet për krimin, për paratë kriminale dhe për atë se kush e mundësoi hyrjen e “Alta Bankës” dhe kush tani lejon transferimin e parave nga Beogradi në Shkup dhe përmes Shkupit në Moskë.
Shohim heshtje, që është gjithashtu shumë e frikshme, edhe nga guvernatori Trajko Slaveski.
Shohim heshtje edhe nga prokuroria dhe për këtë arsye konferenca e sotme për shtyp është jashtëzakonisht serioze.
Për shkak se ajo që po ndodh me kryeministrin, me shtetin tonë, me prokurorinë, me Bankën Popullore është diçka që nuk mund ta heshtim dhe nuk duhet ta heshtim".
Zhernovski paralajmëron se, siç tha ai, një shumë e madhe parash transferohet nga “Alta Banka” në Serbi në “Alta Bankën” në Maqedoni dhe kryeministri dhe guvernatori, reagoi ai, heshtin ngulmon.
"Të mos harrojmë se hyrja e “Alta Bankës” në Maqedoni është me dijeninë, miratimin dhe vendimin pikërisht të Mickoskit dhe Trajko Slaveskit dhe për këtë arsye ata janë më të thirrurit për të dhënë përgjigje se çfarë po ndodh sot, sepse përgjigjen për këtë pyetje e presin jo vetëm qytetarët tanë, por e presin të gjithë në rajon. Por këtu vazhdimisht heshtet.
Cila është “Alta Banka”? Të kujtojmë, kjo është banka për të cilën Banka Qendrore Evropiane i ndaloi hyrjen në tregun e Bashkimit Evropian për tre arsye. Për shkak të dyshimeve për origjinën e parave, për pastrimin e parave dhe për shkak se paraqet një rrezik sigurie për gjithë rajonin.
Dhe për një bankë të tillë, për të cilën i ndalohet hyrja në Bashkimin Evropian, në tregun evropian, dikush, domethënë ata disa janë Mickoski dhe Trajko Slaveski, lejojnë që paratë e tilla, një bankë e tillë të hyjë në shtetin tonë.
Ndërkohë, kjo është një informacion jashtëzakonisht serioz: përmes sinjalizuesve, LSDM ka marrë informacion se kohët e fundit, pas hyrjes së Alta Bankës në Maqedoni, institucionet në Maqedoni, punonjësit në ato institucione dhe kompanitë që marrin tenderë po detyrohen gojarisht të punojnë përmes Alta Bankës".
Kjo thotë Zhernovski, që do të thotë se Maqedonia është e përfshirë drejtpërdrejt në këtë rrjet kriminal me para kriminale dhe për këtë paralajmëron se nuk mund të heshtet më tej për këtë çështje.
"Besoni apo jo, sipas informacioneve të fundit që vijnë nga Serbia fqinje, nga selia qendrore e “Alta Bankës” në Beograd transferohen shuma të frikshme mbi 50 milionë euro në “Alta Bankën” në Maqedoni.
Dhe dikush vazhdimisht hesht për këtë. Vazhdimisht hesht për mënyrën se si u bëmë pjesë e një rrjeti kriminal me para kriminale, me politikanë kriminalë.
Strategjia e Mickoskit është e qartë. Ai hesht sepse mendon se kështu do të kalojë gjithë kjo, çdo mrekulli për tri ditë dhe kështu me radhë.
Por heshti për pesë ton drogë. Ja, fillon hetimi. Heshti për paratë kineze që morëm nga Hungaria përmes kredisë prej një miliard eurosh. Ja hetimet në Hungari.
Kështu që, i sugjerojmë të mos heshtë, por menjëherë të dalë para qytetarëve dhe të flasë për origjinën e këtyre parave kriminale".
