Hutët rrethuan qytetin e tretë më të madh në Jemen, thellohet kriza
Hutët rrethuan Taizin, qytetin e tretë më të madh në Jemen, duke thelluar më tej konfliktin në vend, njoftoi "Financial Times".
Taizi ndodhet në jugperëndim të Jemeni dhe përfaqëson një lidhje të rëndësishme rrugore midis bregdetit dhe pjesës së brendshme të vendit. Marrja e tij mund t'u hapë rrugën Hutëve drejt Adenit, ku ndodhet selia e qeverisë së njohur ndërkombëtarisht të Jemeni.
Luftimet janë përhapur kaq shpejt sa shumë banorë nuk kanë mundur të evakuohen në zona më të sigurta. Hyrjet kryesore në qytet janë shndërruar në linja fronti, duke vështirësuar lëvizjen e popullsisë dhe furnizimin me produkte bazë.
Bllokada ka shkaktuar tashmë një rritje të ndjeshme të çmimeve të ushqimit, barnave dhe karburantit, duke përkeqësuar më tej kushtet e jetesës për civilët.
Konflikti u përshkallëzua përsëri në korrik, kur forcat pro-qeveritare sulmuan aeroportin në Sana në momentin kur një avion iranian me një delegacion të udhëheqësve të Hutëve po zbarkonte atje. Lëvizja Ansar Allah akuzoi Arabinë Saudite për sulmin dhe kërcënoi se do të vazhdojë luftën derisa të hiqet bllokada në territoret nën kontrollin saudit.
Ndërkohë, Hutët kanë zgjeruar praninë e tyre përgjatë bregut perëndimor të Detit të Kuq dhe në zonat përreth ngushticës Bab el-Mandeb, një nga kalimet kryesore detare për tregtinë botërore.
Rrethimi i Taizit hap një kapitull të ri të rrezikshëm në konfliktin jemenas, me pasoja të mundshme mbi kontrollin e pjesës jugore të vendit dhe sigurinë e lundrimit në Detin e Kuq.
