Le Pen: Nëse Ukraina i bashkohet BE-së, ne do të jemi të parët që do të vuajmë

Kandidatja franceze për president nga e djathta ekstreme, Marine Le Pen, deklaroi se bujqësia franceze do të vuajë nëse Ukraina i bashkohet Bashkimit Evropian. Sipas saj, Franca do të jetë e para që do të ndjejë pasojat negative të një zgjerimi të tillë.

Le Pen shpjegoi në rrjetin social X se ekzistojnë dy arsye kyçe për këtë. "Jo vetëm që do të përballemi me konkurrencë të ashpër dhe të pandershme, por edhe pjesa e buxhetit të Politikës së Përbashkët Bujqësore të dedikuar për bujqësinë franceze do të ulet ndjeshëm", tha ajo.

Kjo deklaratë vjen pak pasi komisionerja për zgjerimin e BE-së, Marta Kos, prezantoi draft-mundësi të reja për zgjerimin më 6 tetor. Ajo tha se Ukraina mund të jetë subjekt i dispozitave bujqësore që ndryshojnë nga ato për vendet e tjera kandidate.

Qeveria ukrainase u përgjigj se nuk mund të pranojë një model anëtarësimi në BE që përfshinë kufizime të përhershme për shitjen e disa produkteve ushqimore brenda bllokut.

Zëvendëskryeministri për integrim evropian dhe euroatlantik, Vsevolod Chentsov, deklaroi se Ukraina e sheh integrimin e plotë të sektorit të saj bujqësor në tregun unik të BE-së si pikën fillestare. Mekanizmat tranzitorë, tha ai, duhet të jenë të justifikuar, proporcionale dhe të kufizuara në kohë.