Rubio: Evropë, zgjohu nga gjumi yt i gjatë

Sekretari amerikan i Shtetit, Marco Rubio, bëri thirrje për një bashkëpunim më të fortë midis vendeve perëndimore që përballen me sfida të reja gjeopolitike, gjatë një fjalimi në Athinë.

Duke folur para Akropolit – simbol i demokracisë antike – Rubio iu referua historisë së Greqisë së lashtë si vatër e vlerave dhe parimeve që formësuan Perëndimin.

Rubio dërgon një mesazh për Evropën nga Athina
"Këtu, në Athinë, për herë të parë ishim dëshmitarë të shprehjes së plotë të të gjitha atyre karakteristikave kyçe që më vonë përcaktuan Perëndimin", tha ai.

Ai theksoi se Perëndimi duhet të marrë shembull nga grekët e lashtë për të rikthyer virtytet, guximin dhe forcën e nevojshme për të përballuar sfidat e sotme.

"Ne besojmë se Evropa mund të zgjohen nga gjumi i saj i gjatë dhe të ndezë përsëri zjarrin që ka djegur këtu para një mijëvjeçari", tha ai.

Vëzhguesit e shohin këtë vizitë si një mundësi për Rubion që të forcojë profilin e tij politik para një kandidature të mundshme presidenciale në të ardhmen.

Sekretari amerikan i Shtetit konsiderohet kandidat potencial për nominimin presidencial republikan në vitin 2028.