Sergej Trifunoviq pas fitores së studentëve: „Ja. A ishte vërtet kaq e vështirë?“

Aktori Sergej Trifunoviq u shpreh pas fitores së "Lista Studentore – Studentët fitojnë" në zgjedhjet parlamentare në Serbi.

Në rrjetet sociale ai ndau një fotografi nga një rrugë në Beograd dhe një mesazh të shkurtër.

Në fotografi, Trifunoviq është ulur në asfalt, në mes të rrugës. Para tij është shkruar një mesazh për fitoren e studentëve.

Fotografia është bërë natën, ndërsa qytetarët festonin rezultatin e zgjedhjeve në rrugët e Beogradit.

Në një postim tjetër, ai shkroi: „Ja. A ishte vërtet kaq e vështirë?“

Trifunoviq për vite me radhë ka mbështetur hapur protestat kundër qeverisë së Aleksandar Vuçiç, përfshirë edhe protestat studentore që nisën pas rrëzimit të çatisë së stacionit hekurudhor në Novi Sad në nëntor 2024.