Të shtënat në shkollën franceze mund të kenë pasur motiv terrorist, hetimi zbulon detaje të reja
Prokuroria antiterroriste franceze ka marrë në dorëzim hetimin për të shtënat në një shkollë pranë Marsejës, pasi kontrollet fillestare treguan se nxënësi 14-vjeçar i dyshuar ndoshta ishte i lidhur me një komunitet në internet që lavdëron vrasjet masive dhe dhunën ekstreme, raporton Reuters.
Ngjarja ndodhi dje (12 tetor), kur një nxënës me një pushkë gjuetie plagosi dy mësues.
Prokuroria antiterroriste franceze njoftoi sot se po merr në dorëzim rastin nga prokuroria në Marsejë, për shkak të dyshimeve për një sfond të mundshëm terrorist.
"Hetimet fillestare, përfshirë analizën e pajisjeve elektronike të të miturit, tregojnë lidhje të mundshme me lëvizjen 'True Crime Community' (TCC) dhe sugjerojnë se vepra penale në shkollë ishte e motivuar nga kjo ideologji", thuhet në njoftim.
Prokuroria e përshkruan TCC-në si një rrjet komunitetesh në internet që lavdërojnë autorët e vrasjeve masive dhe në disa mënyra nxisin dhunë ekstreme.
Është hapur një hetim për tentativë vrasjeje të lidhur me një akt terrorist, pjesëmarrje në një organizatë kriminale terroriste me qëllim kryerjen e veprave penale kundër personave, si dhe shkelje të ligjeve për armët lidhur me aktivitetet terroriste.
Lajme të ngjashme
Komisioni Evropian miratoi 168,2 milionë euro për tetë projekte që planifikojnë rritjen e prodhimit evropian të municioneve, eksplozivëve dhe komponentëve për raketa dhe dronë. Pritet që projektet të nxisin gjithsej 1,26 miliardë euro investime industriale, me qëllim përshpejtimin e prodhimit të pajisjeve ushtarake…
15:18Bashkimi Evropian po përpiqet të sigurojë fonde shtesë për Ukrainën në takimet e Fondit Monetar Ndërkombëtar (FMN) dhe grupit G7 këtë javë, pasi vendi përballet me mungesë të fondeve financiare për vitin 2027. Këtë e konfirmoi komisioneri evropian për ekonomi, Valdis Dombrovskis, transmeton "Reuters". Financimi për…
14:58
Oferta e reduktuar e naftës dizel në tregun botëror mund të vazhdojë gjatë pjesës më të madhe të vitit 2027, për shkak të prodhimit të kufizuar, ndërprerjeve në furnizimet nga Lindja e Mesme dhe Rusia dhe rezervave të reduktuara, paralajmëron Agjencia Ndërkombëtare e Energjisë (IEA). Sipas raportit më të fundit mujor…
13:44