Trump: Rusia është një makineri e madhe; ata thjesht vazhdojnë të ecin përpara
Presidenti amerikan Donald Trump dje i bëri thirrje Ukrainës të arrijë një marrëveshje për të vënë fund luftës me Rusinë.
"Ukraina duhet të dëshirojë t'i japë fund kësaj lufte", u tha Trump gazetarëve në Zyrën Ovale.
"Zelenski duhet të dëshirojë t'i japë fund kësaj lufte, dhe nëse nuk është kështu, ajo do të përfundojë shumë keq", paralajmëroi presidenti amerikan në një bisedë me gazetarët në Shtëpinë e Bardhë.
Negociata në Oslo dhe përparësia e Rusisë në fushën e betejës
I dërguari i Trump, Steve Witkoff, qëndroi të martën në Oslo, Norvegji, për bisedime me presidentin ukrainas Volodymyr Zelenski, si pjesë e përpjekjeve për të vënë fund luftës që ka zgjatur tashmë katër vjet.
Trump theksoi se Rusia ka përparësi në konflikt, duke theksuar: "Rusia është një makineri e madhe – ata thjesht vazhdojnë të ecin përpara, kjo është ajo që bëjnë. Ata kanë pushtuar një territor të madh".
