E mërkurë, 14 tetor 2026MarketingKontakt
Kërko

(Video) Publikohet një incizim i ri i sulmit iranian ndaj bazës amerikane në Kuvajt

vazno.mk08.10.2026, 06:45

Incizime të reja, të cilat CBS News i ka siguruar ekskluzivisht, tregojnë sulmet iraniane ndaj një baze të madhe ushtarake amerikane në Kuvajt, të kryera në fillim të luftës me Iranin para shtatë muajsh. Forcat amerikane ishin objekt i sulmit me raketa balistike dhe dronë, ndërsa dëshmitarët raportojnë se në sulme morën pjesë edhe avionë luftarakë iranianë "F-5", transmeton CBS News.

Incizimet, të bëra nga një person i pranishëm në bazën Camp Buehring, tregojnë momentet e goditjeve dhe shpërthimeve. Dëmtime në objektet dhe pajisjet ushtarake janë të dukshme.

X (Twitter)

New videos obtained exclusively by CBS News show Iranian attacks on a major U.S. military base in Kuwait as the war with Iran kicked off seven months ago. The footage was recorded by a person stationed at Camp Buehring and captures the moments of impact and the aftermath. U.S. Central Command declined to comment and the Pentagon pointed back to Defense Secretary Pete Hegseth’s comments on March 4 regarding the removal of U.S. troops.

— CBS News (@CBSNews) October 7, 2026

Shiko në X

Sulmet ndaj Camp Buehring ilustrojnë sfidat me të cilat u përballën forcat amerikane në ditët e para të luftës.

CBS News mëson se ushtarët që mbrojtën bazën u përballën me mungesë kritike të municionit me kalibër .50, ndërsa disa njësitë u vendosën në shkretëtirën Udairi në Kuvajt.

Reagime nga Pentagoni
Komanda Qendrore e SHBA-së (CENTCOM), e cila drejton operacionet në Lindjen e Mesme, refuzoi të komentojë sulmet. Pentagoni gjithashtu nuk dha koment, por iu referua deklaratës së sekretarit të mbrojtjes Pete Hegseth më 4 mars lidhur me tërheqjen e trupave dhe masat mbrojtëse.

"Duke forcuar njëkohësisht kapacitetet tona sulmuese, ne kemi zhvendosur shumicën dërrmuese të trupave tanë – më shumë se 90 për qind të atyre të stacionuar në bazat – në një vend të sigurt dhe jashtë rrezes së zjarrit iranian", tha Hegseth para gazetarëve në mars.

Camp Buehring ndodhet rreth 40 kilometra nga kufiri me Irakun dhe ka shërbyer për më shumë se dy dekada si një pikë kyçe tranziti për forcat amerikane në Lindjen e Mesme.

Lajme të ngjashme