Drvoshani: Projekte të reja energjetike, zgjidhje për ushtarët profesionistë dhe modernizim i shëndetësisë
Jean Drvoshani, deputet nga radhët e VMRO-DPMNE-së, në seancën e sotme parlamentare të dedikuar për pyetje deputetësh, parashtroi tre pyetje deputetësh nga fusha e energjetikës, shëndetësisë dhe mbrojtjes.
"Veçanërisht e rëndësishme është fakti që pas plot 13 vjetësh është vënë përsëri në funksion tubacioni i produkteve Solun-Shkup, një projekt infrastrukturor me rëndësi të jashtëzakonshme për furnizim të sigurt dhe të vazhdueshëm me derivatet e naftës dhe për forcimin e sigurisë energjetike të shtetit, në këtë periudhë realizohen dy projekte të rëndësishme infrastrukturore në sektorin energjetik, që janë ndërtimi i interkonektorëve të gazsjellësve me Republikën e Greqisë dhe Republikën e Serbisë. Duke pasur parasysh rëndësinë e këtyre investimeve kapitale, do të doja t'ju pyes se cilat janë përfitimet konkrete që Republika e Maqedonisë dhe qytetarët maqedonas do të kenë nga ndërtimi i këtyre dy interkonektorëve të gazsjellësve? Në çfarë mënyre vënia e tyre në funksion do të kontribuojë për siguri më të madhe energjetike, ulje të varësisë nga një drejtim furnizimi dhe krijim të kushteve për çmime më konkurruese të gazit natyror dhe sigurisht çfarë mundësish hapen për industrinë maqedonase, ekonominë dhe familjet?", tha Drvoshani.
Pyetjen e dytë Drvoshani ia drejtoi ministrit të mbrojtjes, dhe ajo lidhej me vendimin qeveritar për zgjidhjen e problemit shumëvjeçar me ushtarët profesionistë që mbushin 45 vjeç, duke kërkuar sqarim për masat konkrete, afatet për zbatimin dhe përfitimet që do të sjellë për këtë kategori anëtarësh të Ushtrisë.
"Në një seancë të Qeverisë u mor vendim me të cilin do të zgjidhet ky problem dekadash me të cilin përballen ushtarët profesionistë, prandaj pyetja ime është çfarë parashikon konkretisht vendimi qeveritar i miratuar për ushtarët profesionistë që kanë mbushur 45 vjeç dhe cilat janë përfitimet nga ai? Ju lutem jepni shpjegime më të detajuara për përmbajtjen e vendimit, afatet për zbatimin e tij dhe sigurisht efektet e pritura mbi ushtarët profesionistë", theksoi Drvoshani.
Pyetja e tretë iu drejtua ministrit të shëndetësisë dhe lidhej me rinovimin e pajisjeve dhe kapaciteteve materiale-teknike në shëndetësi, duke kërkuar informacione për blerjet e realizuara deri tani, investimet në pajisje moderne dhe investimet e planifikuara në periudhën e ardhshme.
"Investimet në shëndetësi kanë ndikim të drejtpërdrejtë në cilësinë e jetës së qytetarëve, veçanërisht është e rëndësishme që institucionet të kenë në dispozicion pajisje moderne, mjete materiale-teknike të përshtatshme për kryerjen në kohë dhe në mënyrë efikase të detyrave të tyre. Javën e kaluar patëm promovimin e 100 automjeteve të reja ambulante, ngjarje që hapi çështjen e rinovimit të flotës së automjeteve dhe përmirësimit të kushteve të punës së shërbimeve shëndetësore. Pyetja ime është çfarë rezultate konkrete ka arritur ministria në rinovimin e pajisjeve dhe kapaciteteve materiale-teknike në shëndetësi? Ju lutem na informoni për blerjet e realizuara deri tani dhe investimet e planifikuara në periudhën e ardhshme që qytetarët të kenë një pamje të qartë se si po investohen fondet publike në përmirësimin e jetës së qytetarëve në Republikën e Maqedonisë", tha Drvoshani.
