Krim ndaj një banori të Shkupit: në Facebook publikonte episode nga seriale për të cilat nuk kishte të drejta autoriale

Sektori për krim kompjuterik dhe forenzikë digjitale ka ngritur padi penale në Prokurorinë Themelore Publike të Shkupit kundër 46-vjeçarit J.K. nga Shkupi për kryerjen e veprave penale "shkelje e të drejtave autoriale dhe të drejtat e lidhura" dhe "pirateri e veprës audiovizuale", sipas nenit 157 dhe nenit 157 – b të Kodit Penal.

Saktësisht, i pandehuri J.K., në vitin 2024 si administrator i një faqeje në Facebook, në mënyrë të paligjshme dhe pa autorizim përmes një publikimi publik në faqen e tij transmetonte të drejtat ekskluzive autoriale të një seriali televiziv që ishin dhënë vetëm për shërbimin programor të një shtëpie televizive, bazuar në një marrëveshje të mëparshme të lidhur.

Sipas padisë nga shtëpia televizive e dorëzuar në Prokurorinë Publike të Shkupit, i pandehuri ka kryer veprat penale në mënyrë që përmes profilit të tij përdorues në rrjetin social Facebook, si administrator i faqes në Facebook, ndër serialet, filmat dhe dokumentarët e publikuar, ka publikuar edhe episode nga seriali për të cilat nuk kishte të drejta autoriale.

Duke vepruar sipas urdhrit të Prokurorisë Publike të Shkupit, Sektori për krim kompjuterik dhe forenzikë digjitale pranë MPB-së ka kryer hetim gjatë të cilit ka thirrur personin e pandehur në një bisedë informative dhe ka sekuestruar përkohësisht një pajisje elektronike në pronësi të tij, dhe pas kryerjes së analizës forenzike mbi të njëjtën, janë konfirmuar pretendimet nga padia dhe nga deklarata që i pandehuri dha në bisedën informative.