Moti me vranësira të ndryshueshme, pasdite reshje të herëpashershme shiu

Paradite mot me vranësira të ndryshueshme dhe periudha me diell. Në orët e pasdites, fillimisht në pjesët më perëndimore, pastaj në më shumë vende do të ketë kushte për shi lokal të dobët. Do të fryjë erë e dobët deri mesatare nga drejtimi juglindor, e cila herë pas here do të forcohet në disa vende përgjatë Luginës së Vardarit. Temperatura minimale do të jetë në intervalin nga 0 deri në 10, ndërsa temperatura maksimale do të arrijë nga 20 deri në 26 gradë.

Në Shkup, mot me vranësira të ndryshueshme dhe periudha me diell. Do të fryjë erë e dobët deri mesatare nga drejtim i ndryshueshëm. Temperatura minimale do të zbresë deri në 6, ndërsa temperatura maksimale do të arrijë deri në 23 gradë.

Moti në ditët në vijim

Nën ndikimin e një mase ajri të lagësht dhe të paqëndrueshme, nga sot deri në fillim të javës së ardhshme të punës, moti do të jetë me vranësira të ndryshueshme dhe reshje shiu që herë pas here do të jenë më të bollshme, ndërsa të enjten do të shoqërohen edhe me shfaqje të rralla bubullimash. Sot dhe të enjten në disa vende do të ketë kushte për shfaqje të mjegullës së mëngjesit. Do të fryjë erë e dobët deri mesatare nga drejtimi juglindor, përveç të premtes kur do të jetë e forcuar dhe nga drejtimi veriperëndimor.