Nikolovski para investitorëve gjermanë: Punojmë për zhvillimin infrastrukturor të shtetit, Gjermania është partneri tregtar numër një i Maqedonisë
Po realizojmë agjendën ambicioze që kemi në pjesën e zhvillimit infrastrukturor të shtetit. Po ndërtojmë autostrada dhe hekurudha të reja dhe me këtë krijojmë kushte konkurruese për hyrjen e investitorëve të rinj, por përpiqemi të mbajmë edhe ata ekzistues, u drejtua zëvendëskryeministri dhe ministri i transportit, Aleksandar Nikolovski, në takimin me Dhomën Ekonomike Gjermane dhe Shoqatën Ekonomike Maqedono-Gjermane.
"Përpiqemi, aq sa mundemi, të ndihmojmë investitorët e huaj të drejtpërdrejtë që të kenë një klimë sa më të këndshme në shtet. Gjithashtu, dëshirojmë të motivojmë ardhjen e të rinjve. Sa i përket planeve për të ardhmen, kemi një fushatë investimi mjaft ambicioze në fushën e infrastrukturës, e cila tejkalon shumë përqindjen logjike të investimeve në krahasim me produktin e brendshëm bruto ose me gjendjen në buxhet. Nëse shihni investimet kapitale nga buxheti ose ato që vijnë nga ndërmarrjet publike dhe që janë në pronësi të plotë shtetërore, atëherë do të shihni se shumica lidhen pikërisht me këtë sektor", u shpreh Nikolovski para kompanive të pranishme.
Ai shtoi se po punohet në lidhjen hekurudhore të Korridorit 8, në segmentet e autostradave të korridoreve dhe paralajmëroi ndërtimin e rrugëve të reja ekspres.
"Aktualisht kemi një thirrje për seksionin e tretë për lidhjen hekurudhore me Bullgarinë. Tenderi është shpallur nga Departamenti për Prokurime Publike i Bashkimit Evropian, pra në mënyrën më transparente të mundshme. Zgjat katër muaj, qëllimisht vendosëm një afat më të gjatë për të mos pasur më pas justifikime se për një ose dy muaj nuk mund të përgatitej oferta e tenderit dhe presim që edhe kompanitë gjermane të marrin pjesë në të.
Me BE-në, në kuadër të Planit të Rritjes për zhvillimin e krahut qendror të korridorit 8. Faza e parë është rikonstruktimi dhe modernizimi i hekurudhës që kalon Shkup, Jegunovc, Tetovë, Gostivar. E dyta është Gostivar-Kërçovë dhe e treta është ndërtimi i një segmenti të ri plotësisht që aktualisht nuk ekziston dhe që duhet të kalojë Kërçovë-Ohrid-Strugë-Kufiri me Shqipërinë. Gjithashtu, vitin e ardhshëm pres, nëse sigurojmë financim, të kemi dy projekte të mëdha në pjesën lindore të shtetit: dy rrugë të mëdha ekspres që duhet të na lidhin me Republikën e Bullgarisë. Njëra kalon Kocan-Vinicë-Dellçev-Kufiri me Bullgarinë, tjetra kalon Radoviš-Strumicë-Novosellë-Kufiri me Bullgarinë. Pra, këto janë mundësi shtesë që na hapen përpara" – theksoi zëvendëskryeministri Nikolovski.
