Sot natën fillon llogaritja dimërore e kohës, orët kthehen një orë pas

Llogaritja dimërore e kohës fillon sot natën, kur orët do të kthehen një orë pas. Në orën 3 pas mesnatës, koha do të kthehet në orën 2, duke i dhënë qytetarëve një orë më shumë për të fjetur.

Ndryshimi bëhet në përputhje me rregullat për llogaritjen sezonale të kohës, dhe të njëjtën praktikë e zbatojnë edhe shumica e vendeve evropiane.

Gjatë periudhës dimërore përdoret koha mesatare evropiane (CET, UTC+1), ndërsa në muajt e verës vlen koha mesatare evropiane verore (CEST, UTC+2).

Pse ndryshohet koha?

Ndryshimi sezonale i orëve u fut fillimisht me qëllim që të shfrytëzohet drita e ditës dhe të ulet konsumi i energjisë. Me kalimin në llogaritjen verore të kohës, aktivitetet përshtaten me ditët më të gjata, ndërsa kthimi i orëve në vjeshtë mundëson lindjen më të hershme të diellit.

Sidoqoftë, efikasiteti i kësaj praktike po vihet gjithnjë e më shumë në dyshim, dhe vëmendja është përqendruar edhe në pasojat e mundshme për shëndetin.

Ndryshimi i kohës mund të prishë përkohësisht orën biologjike, të ndikojë në cilësinë e gjumit dhe të shkaktojë ndryshime në humor.

Si të përshtateni më lehtë?

Për një përshtatje më të lehtë me orarin e ri, ekspertët këshillojnë të mbahet rutina e rregullt e gjumit, të shmangen ekranet menjëherë para gjumit dhe të kalohen më shumë kohë në dritën natyrale, veçanërisht në mëngjes.

Gjithashtu, rekomandohet shmangia e kafeinës dhe ushqimeve të rënda para gjumit.

Edhe pse marrja e një ore shtesë gjumë është e mirëpritur për shumë njerëz, organizmi mund të ketë nevojë për disa ditë për t’u përshtatur plotësisht me ndryshimin.