(Video) Dënua shoferi që valëviti flamur në rrugë dhe bllokoi trafikun në Shkup

Policia e dënoi shoferin që dje pengonte trafikun në Shkup.

Sipas informacioneve nga MPB, sot në stacionin policor është thirrur personi Sh.A., pronar i një “ford” me targa të Shkupit, për shkak të një ngjarjeje të djeshme, kur me mjetin e përmendur pengonte rrjedhën normale të trafikut në kryqëzimin e rrugës „Vasil Vojvoda Çakalarov“ në Shkup.

Ngjarja u publikua edhe në rrjetet sociale. Në video shihet një person që valëvit flamur në mes të rrugës, ndërsa makina e tij është e parkuar në rrugë.

„Nga Drejtoria për Sigurinë e Trafikut Rrugor pranë SVR Shkup, në përputhje me Ligjin për Sigurinë e Trafikut në Rrugë, janë ndërmarrë masa të përshtatshme ndaj personit“, thanë nga MPB.

 

Kjo është rasti i dytë i tillë. Dje MPB njoftoi se janë ndërmarrë masa edhe ndaj një shoferi të “golf” që më 5 tetor pengonte lëvizjen e mjeteve të tjera në zonën qendrore të qytetit në Shkup në kryqëzimin e rrugëve „11-të tetori“, „Dame Gruev“ dhe „Filip II Maqedonasi“.

„Në lidhje me videon e shpërndarë në disa media sociale ku shihet një mjet udhëtimi më 05.10.2026 që pengon lëvizjen e mjeteve të tjera në zonën qendrore të qytetit në Shkup në kryqëzimin e rrugëve ‘11-të tetori’, ‘Dame Gruev’ dhe ‘Filip II Maqedonasi’, sot (07.10.2026) në SVR Shkup është thirrur N.V., pronar i një mjeti udhëtimi ‘golf’ me targa të Shkupit. Nga SVR Shkup ndaj N.V. janë ndërmarrë masa sipas nenit 3 paragrafi 3 të Ligjit për Sigurinë e Trafikut në Rrugë.“ njoftoi dje MPB.