(Video) Zhernovski: Katastrofa në të cilën Mickoski dhe të tijtë na kanë futur këto dy e gjysmë vite reflektohet drejtpërdrejt edhe në Raport
Katastrofa në të cilën Mickoski dhe të tijtë na kanë futur këto dy e gjysmë vite reflektohet drejtpërdrejt edhe në Raport. Nuk ka asnjë sekret rreth këtyre raporteve. Çfarë mandati, çfarë rezultat të mandatit tuaj, të tillë raporte marrim nga Brukseli dhe për këtë arsye gjithçka që është shënuar në Raport mund ta vlerësojmë shkurtimisht drejtpërdrejt si katastrofë, deklaroi Andrej Zhernovski, Sekretar për bashkëpunim ndërkombëtar në LSDM.
Sipas tij, ajo që shqetëson është se nuk kemi asnjë përparim në korrupsion dhe në luftën kundër korrupsionit.
„Nuk kemi asnjë përparim në atë që ishte luftë për të pasur prokurime publike të mira. Këtu nuk kemi asnjë përparim. Gjendja është e keqe, katastrofale. Nuk kemi asnjë përparim edhe në lirinë e mediave. Drejtësia është nën rrethimin politik dhe pa para. Mediat janë nën presion, ndërsa bujqësia është para kolapsit. Qeveria ka kapur drejtësinë, ka mbytur hapësirën mediatike dhe ka lënë korrupsionin të paprekur, ndërsa korrupsioni e ha prokurorinë, e ha drejtësinë, e ha shoqërinë në tërësi. Nuk kemi asnjë përparim në shtatë fusha. Megjithatë, ajo që shqetëson veçanërisht është se klasteri më i rëndësishëm është Klasteri 1, ai i përket themeleve dhe drejtpërdrejt evidenton mangësitë ose mungesën e ndonjë rezultati nga kjo qeveri“, tha Zhernovski.
Ai akuzoi se korrupsioni mbetet i përhapur gjerësisht në vendin tonë dhe, siç tha, është ndoshta njëri, nëse jo problemi më i madh tek ne.
„Vlerësimi është negativ edhe për lirinë e shprehjes. Këtu me të vërtetë duhet të jemi të gjithë jashtëzakonisht të shqetësuar. Legjislacioni zgjedhor ende nuk ka pranuar sugjerimet e OSBE-së, ODIHR-it, as të Komisionit të Venecias. Parlamenti, fatkeqësisht, është shndërruar në një institucion që i shërben vetëm Qeverisë. Ai e kryen funksionin e tij pjesërisht në mënyrë efektive. Kështu vlerëson Komisioni, ndërsa përdorimi i procedurave të shkurtra legjislative është rritur përsëri, për të cilën deputetët tanë rregullisht paralajmërojnë në Kuvend, dmth. për mënyrën se si keqpërdoret kjo procedurë“, tha Zhernovski.
Ai shtoi se Komisioni Evropian paralajmëron edhe për menaxhimin e dobët të investimeve publike, ekonominë e madhe informale, ku në fakt është edhe krimi, emigrimin e fuqisë punëtore të kualifikuar, mungesën e aftësive të përshtatshme dhe hendekun e madh gjinor në tregun e punës.
„Kemi një pushtet kriminal që dëshiron plotësisht të kontrollojë drejtësinë dhe ushtron presion mbi drejtësinë. Krimi dhe korrupsioni janë në krye të agjendës. Rruga evropiane, siç po shohim, është maksimalisht e bllokuar, dhe standardi i qytetarëve po bie, që do të thotë se edhe cilësia e jetës po bëhet gjithnjë e më e keqe. Shkurtimisht, gjithçka po shkon poshtë, gjithçka është më keq dhe më keq“, tha Zhernovski.
