FIFA i ndëshkoi egjiptianët për akuzat se Kampionati Botëror ishte i manipuluar në favor të Argjentinës
Federata Ndërkombëtare e Futbollit (FIFA) e ndëshkoi trajnerin egjiptian Hosam Hasan me një ndalim prej tre ndeshjesh për të drejtuar ekipin, ndërsa sulmuesin Mostafa Ziko me një ndalim prej pesë ndeshjesh, për shkak të kritikave ndaj gjykimit pas humbjes 2:3 nga Argjentina në 1/8 e finales së Kampionatit Botëror këtë vit.
Pas ndeshjes, Hasan i akuzoi gjyqtarët për eliminimin, ndërsa Ziko e ofendoi gjyqtarin në deklaratën e tij pas ndeshjes. Goli i Zikos u anulua gjatë ndeshjes për shkak të një faulli në fillim të aksionit, dhe Egjipti gjithashtu kërkoi penallti në fund ndërsa rezultati ishte ende 2:2.
Kreu i gjyqtarëve në FIFA, Pierluigi Collina, mbrojti gjykimin në atë ndeshje dhe tha se deklaratat e Hasan dhe Zikos mund të shkaktonin kërcënime ndaj gjyqtarëve dhe familjeve të tyre.
Të kujtojmë se pas ndeshjes, Hasan i akuzoi gjyqtarët për eliminimin e ekipit të tij.
"Sot u mashtruam, na është bërë padrejtësi. Ndoshta donin të mbajnë kampionët botërorë në turne. Ndoshta donin që Mesi të qëndronte në turne", tha trajneri egjiptian.
Më i ashpër ishte Ziko, i cili goli i tij u anulua gjatë ndeshjes për shkak të një faulli në fillim të aksionit.
"Gjyqtari nuk ishte i drejtë. Na shkaktoi një padrejtësi të qartë dhe shkatërroi përpjekjet e gjithë vendit. Që nga fillimi i ndeshjes, ai ishte i prirur për Argjentinën. Turneu është i manipuluar në favor të tyre", tha sulmuesi.
