Klekovski vizitoi klinikën më të madhe të neonatologjisë në Bullgari: Shkëmbimi i njohurive dhe praktikave të mira është rruga drejt kujdesit më të mirë për nënat dhe të porsalindurit

Gjatë vizitës në Sofje, ministri i Shëndetësisë, Sašo Klekovski vizitoi Kompleksin Universitar Spitalor Obstetrik-Gjinekologjik "Shtëpia e Nënës", ku u njoh me punën e institucionit dhe praktikat moderne në fushën e shëndetit të nënës dhe fëmijës, njoftoi Ministria e Shëndetësisë.

Gjatë bisedave me ekipet mjekësore u shkëmbyen përvoja dhe mundësi për përmirësimin e bashkëpunimit, me theks të veçantë në skriningun neonatal dhe zbulimin e hershëm të gjendjeve tek të porsalindurit, njoftoi MSh.

Bëhet fjalë për klinikën më të madhe të neonatologjisë në Bullgari, me një repart të kujdesit intensiv dhe pajisje moderne mjekësore. Laboratori Kombëtar Gjenetik brenda institucionit kryen skriningun e të porsalindurve, duke përfshirë edhe teste metabolike dhe gjenetike.

– Shkëmbimi i njohurive dhe praktikave të mira është rruga drejt kujdesit më të mirë për nënat dhe të porsalindurit dhe drejt një shëndetësie më cilësore dhe më të aksesueshme për të gjithë qytetarët, thekson Klekovski.