Nga nesër ndalohet peshkimi sportiv në Parkun Kombëtar „Mavrovo“, sezona e re fillon në shkurt
Që nga 1 nëntori 2026 përfundon sezoni i peshkimit sportiv në të gjitha ujerat brenda Parkut Kombëtar „Mavrovo“, njoftojnë nga institucioni.
Ndalimi i peshkimit do të zgjasë deri më 31 janar 2027, ndërsa sezona e re do të fillojë më 1 shkurt dhe do të zgjasë deri më 31 tetor 2027.
Parku Kombëtar i fton peshkatarët sportivë dhe vizitorët të respektojnë ndalimin dhe me sjellje të përgjegjshme të kontribuojnë në ruajtjen e fondit të peshkut, mbrojtjen e ekosistemeve ujore dhe ruajtjen e ekuilibrit natyror.
Gjithashtu, nga institucioni falënderuan peshkatarët për bashkëpunimin deri tani, respektimin e dispozitave ligjore dhe posedimin e dokumentacionit të rregullt, përfshirë lejet e peshkimit, legjitimacionet dhe pajisjet përkatëse.
Faleminderim të veçantë shprehën për bashkëpunimin gjatë Kampionatit Botëror të Krapit, kur peshkatarët treguan nivel të lartë mirëkuptimi ndaj organizatorëve, partnerëve dhe punonjësve në sektorin e mbrojtjes së parkut.
Parku Kombëtar „Mavrovo“ falënderoi të gjithë peshkatarët dhe vizitorët për mirëkuptimin dhe bashkëpunimin, duke i ftuar edhe më tej të kontribuojnë në ruajtjen e pasurive natyrore të parkut.
