VIDEO: Ajo që Dedali e llogarit për një sekondë, njerëzimit do t’i merrte katër muaj

Greqia prezantoi një superkompjuter të ri, „Dedali“ (Daedalus), i cili me shpejtësi përpunimi prej 85,69 petaflops hap mundësi të reja për zhvillimin e modeleve të avancuara të inteligjencës artificiale në vend.

„Dedali“ është superkompjuteri më i fuqishëm i instaluar ndonjëherë në Greqi. Sistemi, që përbën një investim prej 58,9 milionë eurosh, sipas të dhënave në dispozicion, renditet si superkompjuteri i 31-ti më i fuqishëm në botë.

Edhe pse shpejtësia prej rreth 86 petaflops mund të mos ketë shumë kuptim për përdoruesin mesatar, në kuptim praktik kjo do të thotë se makina mund të kryejë rreth 86 katriliardë operacione në sekondë. Për të marrë një ide: ajo që ky superkompjuter llogarit në një "flakë të syrit", për gjithë njerëzimin — duke punuar ditë e natë me kalkulatorë xhepi — do t’i duheshin katër muaj për ta përfunduar.

Sipas „Euronews“, qëllimi i superkompjuterit grek është të nxisë prodhimin vendas teknologjik dhe të ulë varësinë nga kapacitetet kompjuterike të vendosura jashtë vendit.

„Dedali“ siguron infrastrukturë për universitete, qendra kërkimore, biznese, institucione publike dhe organizata shëndetësore, duke u mundësuar atyre të zhvillojnë dhe trajnojnë modele të avancuara të inteligjencës artificiale (AI), të përpunojnë sasi të mëdha të dhënash dhe të realizojnë projekte komplekse llogaritëse — të gjitha këto në infrastrukturë të vendosur në Greqi.

Superkompjuteri është vendosur në ndërtesën historike të ish-centrales elektrike në Parkun Teknologjik dhe Kulturor „Lavrio“, i cili funksionon nën mbikëqyrjen e Universitetit Kombëtar Teknik të Athinës. Infrastruktura Kombëtare për Kërkime dhe Teknologji (EDYTE – GRNET) ka marrë përsipër menaxhimin dhe funksionimin teknik të sistemit, dhe gjithashtu është përgjegjëse për zbatimin e projektit.