Në Tiranë u hap ekspozita „Ngjyrat e jetës“ e Teuta H. Imerit

Më 14 tetor në Qendrën Kulturore Maqedonase në Tiranë u hap solemnish ekspozita „Ngjyrat e jetës“ e artistes Teuta H. Imeri.

Veprat e Imerit mbushën hapësirën e ekspozitës me ngjyra të gjalla, shprehje të fuqishme pikturore, shkëlqim dhe ngrohtësi. Përmes shprehjes së saj artistike, artistja ofroi një përvojë të mbushur me emocione, duke ftuar publikun të zbulojë bukurinë e jetës përmes ngjyrës dhe artit.

Hapja kaloi në një atmosferë të këndshme, ku vizitorët patën mundësinë të njihen me krijimtarinë e Imerit dhe të ndajnë përshtypjet e tyre për veprat e ekspozuara.

Qendra Kulturore Maqedonase në Tiranë shprehu falënderime artistes për bukurinë që solli në hapësirë, si dhe të gjithë mysafirëve që me praninë e tyre e bënë mbrëmjen të veçantë.