Është vënë në përdorim shkolla fillore e rinovuar „Krste Petkov Misirkov“ në Çento

Pas 50 vjetësh nga ndërtimi, sot u vu në përdorim shkolla e rinovuar „Krste Petkov Misirkov“ në lagjen Çento. Në hapje ishte i pranishëm edhe kryeministri, Hristijan Mickoski.

"Këto janë momente kur gjithçka që filloni e shihni si ka formë dhe përmbajtje. Dhe për mua është kënaqësi të jem së bashku me kryetarin e komunës, me ministren, me deputetët, me qytetarët, këshilltarët e Komunës Gazi Baba këtu dhe të vëmë në funksion këtë objekt që e filluam", tha Mickoski.

Sipas tij, është e rëndësishme që shkolla është rinovuar pas 50 vjetësh.

"Është edhe më e rëndësishme sepse deri para disa vitesh këtu ekzistonin vetëm baraka që ishin lënë nga koha e tërmetit praktikisht, më shumë se 50 vjet, fëmijët mësonin në kushte që do t’i quaja nënstandard, për dallim nga ajo që mund ta shihni sot, me të vërtetë kushte evropiane", tha Mickoski.

Shtoi se mbeten edhe disa detaje, në pranverë të gjelbërohet, të ndryshohet gardhi dhe parkingu për punonjësit.