Nusja kërkoi të shtoja peshë që ajo të dukej më e dobët në dasmë, rrëfeu shoqja e nuses në rrjetet sociale

Një vajzë me emrin Xheki ka ndarë në TikTok një kërkesë të pazakontë që i bëri shoqja e saj më e mirë para dasmës. Sipas dëshmisë së saj, nusja i kërkoi asaj të shtonte peshë që ajo të dukej më e dobët në fotografitë e dasmës.

Xheki rrëfeu se shoqja Niki e ftoi për drekë dhe i kërkoi të jetë shoqja e nuses në dasmën e caktuar për dhjetor të vitit të ardhshëm. Ajo pranoi me kënaqësi, por më pas erdhi një surprizë.

"Nuk mund të lejoj që ti të jesh në qendër të vëmendjes në ditën time të madhe. Dua që unë të jem më e dobëta", i tha nusja, sipas Xhekis.

E habitur nga kërkesa, Xheki i propozoi shoqes që të punojë vetë mbi peshën e saj, pas së cilës Niki filloi të qajë dhe e akuzoi se dëshiron t'i prishë dasmën.

Por kërkesat nuk përfunduan këtu. Nusja priste që Xheki të shkonte dy herë në javë në trajtime për fytyrën për të hequr aknet, sepse nuk donte të paguante më shumë për retushimin e fotografive të dasmës.

Debati përfundoi pasi Niki e akuzoi Xhekin se është xheloze sepse ajo po martohet.

Kjo histori shkaktoi shumë reagime në TikTok, ku përdoruesit i këshilluan Xhekis të rishqyrtojë miqësinë dhe të mos marrë pjesë në dasmë.