(Video) Lady Gaga tregoi fytyrën e saj pa make-up: rrallë e shohim në këtë version

Pas përhapjes së lajmit se ka lindur një vajzë me të fejuarin e saj Michael Polanski, Lady Gaga u shpreh në rrjetet sociale, duke vënë theksin te pamja e saj natyrale.

Këngëtarja Lady Gaga, e cila së fundmi u bë nënë e një vajze, tërhoqi vëmendjen me pamjen e saj natyrale në një video. Ajo u shfaq fillimisht pa make-up, pastaj tregoi rutinën e saj të bukurisë në kushte shtëpie përmes një videoje të publikuar në Instagram.

Gaga filloi me përgatitjen e lëkurës duke përdorur një produkt që e quajti "përbërësi i saj sekret", pastaj aplikoi shtresa të holla kozmetike nga marka e saj, "Haus Labs".

Fituesja e "Grammy" e titulloi videon "glamur në shtëpi"; gjatë rutinës, ajo ndryshoi disa herë veshjet, ndërsa flokët e saj të njohura bjonde ishin mbledhur në një bisht.

Videoja filloi me një xhup rozë, pastaj u vesh me një bluzë të kaltër pa mëngë me skaje të bardha dhe pantallona të shkurtra në të njëjtën ngjyrë. Ylli pop përfundoi videon me një xhup të thurur kafe dhe syze dielli të zeza, duke treguar shenjën e paqes me gishtat.

Adhuruesit e saj u mahnitën nga videoja, dhe seksioni i komenteve u mbush shpejt me lavdërime.

"Efekt perfekt i lëkurës së dytë", shkroi një përdorues.