Zbulohet sekret familjar: Sydney Sweeney është në lidhje familjare me një legjendë të Hollywood-it

Sydney Sweeney ka një lidhje familjare të papritur me një nga legjendat më të mëdha të Hollywood-it. A mund të gjeni se për kë bëhet fjalë?

Sipas një hulumtimi të ri gjenalogjik të publikuar nga "MyHeritage", Sydney Sweeney dhe Marilyn Monroe janë të afërm të largët; studiuesit kanë konstatuar se ata janë të afërm në brezin e nëntë (me një diferencë gjenerate). Lidhja është gjetur përmes një paraardhësi të përbashkët, Ezra Perry.

Lidhja familjare kalon përmes babait të Sydney-t, Steven Sweeney, dhe babait biologjik të Marilyn Monroe, Charles Stanley Gifford.

Studiuesit zbuluan lidhjen pas analizës së pemëve familjare të dy aktoreve; projekti thuhet se u nis pikërisht për shkak të shumë krahasimeve që janë bërë mes tyre gjatë viteve.

Sydney Sweeney (29) shpesh krahasohet me Marilyn Monroe për shkak të stilit të saj klasik hollywoodian dhe imazhit të "bjonde joshëse", sipas raporteve të mediave ndërkombëtare.

Më parë këtë vit, Sydney Sweeney mori pjesë në Festivalin Ndërkombëtar të Filmit në Santa Barbara e veshur me një fustan të bardhë që ngjante me atë të famshëm që Marilyn Monroe mbante gjatë xhirimeve për kopertinën e revistës "Life" në vitin 1952.

Ajo nxiti krahasime të ngjashme disa muaj më parë, kur u shfaq në tapetin e kuq për premierën e filmit The Housemaid me një fustan të bardhë rrëshqitës që kapte pamjen kult të Marilyn Monroe nga filmi The Seven Year Itch.

Përveç karrierës së saj aktoriale, Sydney Sweeney shpesh është edhe temë diskutimesh online lidhur me modën. Së fundmi ajo u bë qendër e vëmendjes pas fushatës për markën Novig.

Në reklamë, aktorja shfaqet duke u marrë me sporte të ndryshme, duke mbajtur veshje të pakta në disa skena. Fushata u kritikua për seksualizimin e sportit femëror, dhe shumë sportiste të njohura u shprehën kundër saj.