Alarm për bombë në fluturimin nga Nju Jorku drejt Izraelit, pasagjerët evakuar

Pasagjerët në fluturimin e "Delta Air Lines" nga Nju Jorku drejt Tel Avivit u evakuan këtë mëngjes pas uljes në aeroportin izraelit "Ben Gurion", pasi u mor një kërcënim anonim për bombë, raporton "Mirror".

Sipas kërcënimit, në avion thuhej se kishte një pajisje shpërthyese, gjë që çoi në zbatimin urgjent të procedurave të sigurisë. Pasagjerët u evakuan në ndërtesën terminale, ndërsa avioni u zhvendos në një pjesë të largët të aeroportit që shërbimet e sigurisë të mund të kryejnë një kontroll të detajuar.

Autoritetet izraelite deklaruan se nuk kishte rrezik të menjëhershëm për pasagjerët. Gjatë kontrollit të avionit nuk u gjet asgjë e dyshimtë.

"Jerusalem Post" raportoi se vlerësimet fillestare treguan për një kërcënim të rremë me bombë.

Shërbimet e sigurisë më pas kryen një kontroll të hollësishëm të avionit, por nuk gjetën asgjë të dyshimtë, njoftoi portali informativ izraelit "Ynet".

"Ngjarja përfundoi pa gjetje të pazakonta. Operacionet janë kthyer në normalitet", njoftoi Administrata e Aeroporteve të Izraelit.