Ambasadorja amerikane në Greqi akuzohet për një sërë parregullsish, Trump: Nuk jemi të kënaqur
Presidenti amerikan Donald Trump konfirmoi se po mendon për shkarkimin e ambasadores amerikane në Greqi, Kimberly Guilfoyle, pas një serie raportimesh mediatike për sjelljen e saj të dyshuar të papërshtatshme dhe potencialisht të paligjshme. Kjo ishte hera e parë që Trump komentoi personalisht mundësinë e shkarkimit të saj – temë për të cilën mediat amerikane raportuan gjatë fundjavës.
"Po e shqyrtojmë çështjen. Po, nuk jemi të kënaqur", u tha Trump gazetarëve sot, kur u pyet nëse po mendon për zëvendësimin e saj. Ai nuk specifikoi kur mund të merret një vendim, as cilat veprime të veçanta kanë shkaktuar pakënaqësinë e tij.
Pakënaqësi në administratë
Associated Press më parë raportoi se Trump dhe sekretari amerikan i Shtetit Marco Rubio po konsiderojnë shkarkimin e Guilfoyle pas një sërë akuzash lidhur me veprimet e saj, si para ashtu edhe gjatë mandatit të saj diplomatik në Athinë. Një zyrtar i lartë amerikan deklaroi se të dy janë jashtëzakonisht të pakënaqur me sjelljen e saj dhe se vendimi mund të merret këtë javë.
Sipas "Wall Street Journal", Guilfoyle dyshohet se ka kërcënuar një funksionar grek, ka pranuar dhurata të papërshtatshme dhe ka ofruar akses te anëtarë të administratës së Trump në këmbim të shërbimeve financiare. Ndër të tjera, ajo dyshohet se ka kërkuar 100,000 dollarë nga një donator i Trump për të shlyer borxhin e kartës së saj të kreditit.
Shumë akuza
Raportimet mediatike gjithashtu theksuan udhëtimet e saj luksoze me avionë privatë dhe festa të shtrenjta, si dhe ankesat e stafit të ambasadës amerikane në Athinë lidhur me sjelljen e saj. Inspektori i përgjithshëm i Departamentit të Shtetit po shqyrton akuzat, megjithëse nuk është konfirmuar nëse është hapur një hetim zyrtar.
Guilfoyle personalisht nuk ka komentuar të gjitha pretendimet, por avokati i saj mohon akuzat për sjellje të papërshtatshme. Ajo është ish-prezantuesja e "Fox News" dhe prokurore nga Kalifornia, dhe ka qenë e fejuara e djalit më të madh të Trump, Donald Trump Junior.
Lajme të ngjashme
Komisioni Evropian miratoi 168,2 milionë euro për tetë projekte që planifikojnë rritjen e prodhimit evropian të municioneve, eksplozivëve dhe komponentëve për raketa dhe dronë. Pritet që projektet të nxisin gjithsej 1,26 miliardë euro investime industriale, me qëllim përshpejtimin e prodhimit të pajisjeve ushtarake…
15:18Bashkimi Evropian po përpiqet të sigurojë fonde shtesë për Ukrainën në takimet e Fondit Monetar Ndërkombëtar (FMN) dhe grupit G7 këtë javë, pasi vendi përballet me mungesë të fondeve financiare për vitin 2027. Këtë e konfirmoi komisioneri evropian për ekonomi, Valdis Dombrovskis, transmeton "Reuters". Financimi për…
14:58
Oferta e reduktuar e naftës dizel në tregun botëror mund të vazhdojë gjatë pjesës më të madhe të vitit 2027, për shkak të prodhimit të kufizuar, ndërprerjeve në furnizimet nga Lindja e Mesme dhe Rusia dhe rezervave të reduktuara, paralajmëron Agjencia Ndërkombëtare e Energjisë (IEA). Sipas raportit më të fundit mujor…
13:44