Britania ndan 700 milionë euro për mbrojtje nga kërcënimet shëndetësore dhe të sigurisë lidhur me inteligjencën artificiale

Mbretëria e Bashkuar do të ndajë 700 milionë euro për mbrojtjen e popullsisë nga kërcënimet shëndetësore dhe të sigurisë lidhur me inteligjencën artificiale (IA), duke përfshirë zhvillimin e sistemeve për zbulimin e kërcënimeve biologjike dhe kibernetike.

Pjesa më e madhe e fondeve do të jetë e dedikuar për një iniciativë të re për sigurinë biologjike. Në kuadër të saj, 119 milionë euro do të investohen në një laborator që do të përdorë inteligjencën artificiale për zbulimin e kërcënimeve biologjike, ndërsa 77 milionë euro shtesë do të dedikohen për zhvillimin e masave mbrojtëse ndaj patogjenëve.

Investimi qeveritar në laborator do të mbështetet gjithashtu me kredi deri në vlerën 238 milionë euro nga kompanitë “OpenAI” dhe “Anthropic”.

Qëllimi është zhvillimi i masave mjekësore për përballimin e patogjenëve të rinj dhe mbrojtje më të mirë nga pandemitë e ardhshme, njoftoi ministri i financave John Hiley.

Shtesë, 35 milionë euro do t’u jepen kryetarëve rajonalë për mbështetjen e projekteve lokale në fushën e inteligjencës artificiale.

Qendra Kombëtare për Sigurinë Kibernetike, nga ana tjetër, do të zgjerojë aktivitetet e saj në Manchester, si pjesë e përpjekjeve më të gjera për forcimin e sigurisë dhe zbulimin e kërcënimeve potenciale.