(Foto) Mbyllet më në fund ura e re që lidh Korenë e Veriut me Kinën
Ura rrugore që lidh Kinën dhe Korenë e Veriut, e cila ishte shtyrë për një kohë të gjatë, është vënë në përdorim, njoftuan mediat shtetërore kineze, në një kohë kur marrëdhëniet tregtare midis vendeve fqinje po përmirësohen. Kina është partneri më i madh tregtar i Koresë së Veriut dhe linja kryesore e saj e mbijetesës, duke pasur parasysh sanksionet ndërkombëtare të rrepta të vendosura për shkak të programit bërthamor verikorean.
Ura e re mbi lumin Yalu është e gjatë tre kilometra dhe lidh qytetin kufitar kinez Dandong me qytetin verikorean Sinuiju. Pritet që ajo të bëhet rruga kryesore tokësore për transportin tregtar midis dy vendeve.
Hapja e urës ishte planifikuar fillimisht për vitin 2014, por u shty për kohë të pacaktuar pasi Koreja e Veriut ndaloi ndërtimin e rrugëve hyrëse dhe objekteve doganore. Në atë periudhë, marrëdhëniet midis Phenjanit dhe Pekinit ishin të tensionuara.
Kryeministri kinez Li Qiang e përshkroi urën si "një shenjë të re që simbolizon miqësinë tradicionale midis Kinës dhe Koresë së Veriut". Ai shtoi se të dy vendet "po hapin një kapitull të ri" në marrëdhëniet e tyre bilaterale.
