Siljanovska-Davkova në Bruksel u takua me ambasadorët e vendeve anëtare të grupit „Miqtë e Ballkanit Perëndimor“

Kryetarja Gordana Siljanovska-Davkova zhvilloi një takim pune me ambasadorët e vendeve anëtare të grupit „Miqtë e Ballkanit Perëndimor“, i dedikuar bashkëpunimit rajonal dhe perspektivës evropiane të vendeve të Ballkanit Perëndimor.

Gjatë takimit me Irena Andrasin (Kroaci), Ioanis Vrailas (Greqi), Balint Odor (Hungari), Vincenzo Celeste (Itali), Juraj Nociar (Sllovaki) dhe Vladimir Bertl (Çeki), ajo u shpreh falënderuese për mbështetjen.

Ajo theksoi se pavarësisht bllokadës në procesin e anëtarësimit, niveli i mirë i harmonizimit të legjislacionit tonë me të drejtën e Bashkimit Evropian dhe harmonizimi 100% me politikën e përbashkët të jashtme dhe të sigurisë të BE-së konfirmojnë përkushtimin maqedonas ndaj procesit eurointegrues.

Si një konfirmim shtesë për këtë, ajo përmendi zbatimin e përshpejtuar të Agjendës së Reformave, të përmendur edhe në raportin e këtij viti të Komisionit Evropian.

Siljanovska-Davkova shprehu pritjen që intensifikimi i procesit të anëtarësimit maqedonas dhe integrimi i rajonit do të jenë prioritet i presidencave të ardhshme të Këshillit të Bashkimit Evropian, veçanërisht gjatë presidencës së Greqisë dhe Italisë, si miq të Ballkanit Perëndimor.