(Video) Persona të maskuara sulmuan të rinj para vendvotimit në Pançevo

Një grup burrash të maskuar sulmuan disa të rinj para vendvotimit në Shkollën Bujqësore në Pançevo, Serbi, njoftoi portali lokal „Pančevo siti“.

Në një video të publikuar në rrjetet sociale shihet se si një grup burrash të veshur me të zeza, me kapuçë dhe maska në fytyrë, sulmojnë fizikisht disa të rinj në rrugën para shkollës. Një nga djemtë mori një plagë në fytyrë, e cila u gjakos nga goditja.

Sipas informacioneve të N1, policia shkoi në vendin e ngjarjes, por incidenti nuk u raportua. Zyrtarët e policisë për sulmin mësuan nga mediat.

Sot në Serbi mbahen zgjedhje parlamentare të parakohshme, dhe parregullsi dhe incidente janë regjistruar në disa vendvotime. Sipas të dhënave të Qendrës për Zgjedhje të Lira dhe Demokraci (CeSID), deri në orën 11 janë regjistruar 120 parregullsi.