(Video) Tension në Paris pas protestave, fytyra të maskuara thyejnë dritare të salloneve të makinave

Tensione shpërthyen në Paris në fund të protestave të sotme, kur grupe të rinjsh të maskuar filluan të thyejnë dritare të salloneve të makinave në bulevardin Cour de Vincennes, raporton BBC.

Policia e ndërhyrjes me shkopinj u përpoq t'i shpërndajë grupet, ndërsa në rrugë u përdorën edhe topa uji dhe gaz lotsjellës, duke bërë që ajri të mbushet me tym të dendur.

Protestat më parë kaluan paqësisht, dhe më shumë se 100,000 njerëz marshuan në një rrugë larg qendrës së kryeqytetit francez.

Sipas Ministrisë franceze të Brendshme, në protestat e sotme në të gjithë vendin morën pjesë gjithsej 410,000 njerëz, prej të cilëve 110,000 në Paris. Numrat janë më të ulët krahasuar me javën e kaluar, kur sipas të dhënave zyrtare, në rrugë dolën 550,000 demonstrues.

Sindikata që organizoi protestat, nga ana tjetër, vlerëson se në tubimet në të gjithë Francën morën pjesë rreth 800,000 njerëz, prej të cilëve 250,000 në Paris.

Konflikte janë raportuar edhe në disa qytete të tjera franceze, përfshirë Lionin, Renin, Nantën, Bordonën, Nicën dhe Marselin.