(Foto) Vjeshta në Shkup

Shkupi në veshje vjeshtore, me peizazhe të ngjyrosura në nuanca të verdha, portokalli dhe të kuqe, është në fokusin e postimit të kryetarit të komunës, Orcë Gjorgjievski, në rrjetet sociale.

Përmes fotografive nga zona qendrore e qytetit, sheshi dhe Parku i Qytetit, Gjorgjievski ka kapur atmosferën vjeshtore në kryeqytet.

"Në ngjyrat e vjeshtës, Shkupi shkëlqen me gjithë bukurinë e tij!", shkroi Gjorgjievski.

Peizazhet vjeshtore i japin qytetit një pamje të ndryshme, ndërsa parqet dhe hapësirat publike të hapura shndërrohen në skena të mbushura me ngjyra të ngrohta dhe magji sezonale.