(Video) “Pse nuk mund të hyjmë?” – N1 para ambienteve të një qendre të dyshuar telefonike të SNS, nën dyshim për presion ndaj votuesve

🔴Lajmet më të fundit për zgjedhjet në Serbi ndiqini KËTU.

Ekipi i televizionit serb N1 nuk mori leje të hyjë në ambientet në rrugën Skadarska 51 në Beograd, pasi qytetarë raportuan dyshime se aty ndodhet një qendër telefonike e Partisë Progresive Serbe (SNS) nga e cila dyshohet se ushtrohet presion ndaj votuesve.

Ekipi i gazetarëve vizitoi adresën pas thirrjes së qytetarëve, por personat që ndodheshin brenda refuzuan kërkesën e tyre për të hyrë.

Në incizimin që publikoi N1 shihet se të pranishmit bllokojnë hyrjen, e më pas ulen edhe roletat.

Gazetarja tha se në ambient vërejti lista mbi tavolina, si dhe persona për të cilët supozoi se kontaktonin telefonikisht me qytetarë. Ajo theksoi se personat e veshur me të zeza u penguan shikimin drejt brendësisë.

“Nuk mund të themi me siguri, por pashë që bëjnë thirrje dhe supozojmë, bazuar edhe në raportimet e qytetarëve, se ushtrohet presion ndaj votuesve,” deklaroi gazetarja.