„Jam mirë“: Reagimi i parë i Russell Brand pas dënimit për përdhunim

Aktori dhe komediani britanik Russell Brand (51), i cili dje u shpall fajtor për përdhunim dhe tre sulme seksuale, pas shpalljes së dënimit i tregoi avokatëve të tij gishtin tregues lart dhe u tha shkurt: „Jam mirë“, raporton „Daily Star“.

Gjykata e „Southwark“ në Londër e shpalli Brand fajtor për katër vepra penale të kryera midis viteve 2004 dhe 2009. Ai u lirua nga akuzat për tre pika të tjera të aktakuzës.

Pak para shpalljes së dënimit, Brand iu drejtua gruas së tij Laura Gallagher dhe i tha: „Të dua“.

Pas dënimit, ai u vu në paraburgim, ku do të qëndrojë deri në shpalljen e dënimit më 9 nëntor, të hënën. Gjyqtari Joel Benatan refuzoi kërkesën e tij për lirimin me kusht, duke vlerësuar se ekziston rreziku i arratisjes.

„Jeni shpallur fajtor për një sërë veprash penale, përfshirë përdhunimin. Për këtë do të përballeni me një dënim të rëndë burgimi“, i tha gjyqtari.

Brand gjatë gjykimit mohoi të gjitha akuzat.

Policia e Londrës konfirmoi se vazhdon të hetojë raportime shtesë kundër aktorit të paraqitura nga dy gra të tjera.